«Barsiełona» zajaviła pra razryŭ adnosin ź FIFA
AFP
«Barsiełona» razarvała adnosiny ź Mižnarodnaj fiederacyjaj futbolnych asacyjacyj (FIFA). Pra heta zajaviŭ prezident katałonskaha kłuba Chasep Bartamieŭ, pieradaje partał Goal.com.
«Sinie-hranatavyja» pryniali takoje rašeńnie z-za sankcyj z boku FIFA, jakija zabaranili katałoncam nabyvać novych futbalistaŭ z 1 vieraśnia 2014 h. pa 31 śniežnia 2015-ha nibyta z-za parušeńniaŭ pry tranśfierach i rehistracyi niepaŭnaletnich hulcoŭ. «U pieryjad sankcyj my nie budziem padtrymlivać lubyja instytucyjnyja adnosiny [ź FIFA]», - paviedamiŭ Bartamieŭ.
Kiraŭnik «Barsiełony» dasłaŭ list prezidentu fiederacyi Błateru, a taksama papiaredziŭ, što nie budzie prysutničać na cyrymonii ŭručeńnia «Załatoha miača» -2014, jakaja projdzie 12 studzienia ŭ Ciurychu.
Na prestyžnuju ŭznaharodu pretendujuć forvard «sinie-hranatavych» Lijanel Miesi, forvard madrydskaha «Reała» Kryštyjanu Ranałdu i hałkipier miunchienskaj «Bavaryi» Manuel Nojer.
U pačatku studzienia katałoncy abviaścili pra zvalnieńnie Andoni Subisarety z pasady spartyŭnaha dyrektara kłuba. Akramia taho, źjaviłasia infarmacyja ab mahčymaj adstaŭcy hałoŭnaha treniera Łuisa Enrykie, jaki nibyta pasvaryŭsia z adnym z klučavych hulcoŭ kamandy Lijanelem Miesi.