Mercedes-Benz bolš nie budzie spansiravać ńju-jorkski tydzień mody
Tydzień mody Mercedes-Benz ŭ Ńju-Jorku ciapier znachodzicca ŭ pošuku adrazu niekalkich rečaŭ — miesca i hrošaj.
Za kulisami ńju-jorkskaha tydnia mody, 2012
«Mercedes-Benz Fashion Week» u Ńju-Jorku čakajuć hłabalnyja źmieny. Pa-pieršaje, mierapryjemstvu daviadziecca pierajechać ź Linkaln-centra (ekołahi damahlisia vysialeńnia modnaha mierapryjemstva praz sud. Bo park Damroš, jaki znachodzicca na terytoryi centra, z kožnym modnym pakazam, vierahodna, vyhladaŭ usio horš i horš).
Linkaln-centr padčas praviadzieńnia «Mercedes-Benz Fashion Week» u Ńju-Jorku
Pa-druhoje, stała viadoma i ab chutkim zakančeńni supracoŭnictva z tytulnym sponsaram Mercedes-Benz.
Svaju zvykłuju nazvu mierapryjemstva pavinna budzie źmianić adnačasova ź placoŭkaj — paśla lutaŭskich šoŭ.
U Mercedes-Benz paćvierdzili hetuju infarmacyju, ale adznačyli, što kampanija pa-raniejšamu zacikaŭlena ŭ modnaj industryi: «U Mercedes-Benz bolš za 50 pahadnieńniaŭ, źviazanych z modaj, bolš čym u 30 krainach śvietu», — zajaviŭ pres-sakratar kampanii.