Madona: Ja nie paraŭnoŭvaju siabie z hetymi ludźmi
Madona vybačyłasia za vykarystańnie fotazdymkaŭ Nelsana Mandeły i Marcina Lutera Kinha.
Kałažy na vokładku novaha alboma Madony: Nelsan Mandeła, Madonna, Marcin Lutar Kinh
Razhareŭsia skandał vakoł vokładki novaha alboma pop-śpiavački.
«Vybačajusia. Ja nie paraŭnoŭvaju siabie z hetymi ludźmi. Heta nie złačynstva, abraza abo rasizm!», — napisała Madona ŭ svaim Facebook.
Aryhinalnaja vokładka novaha alboma Madony «Rebel Heart»
Vybačacca pryjšłosia paśla taho, jak u Instagram śpiavački źjavilisia fatahrafii Nelsana Mandeły i Marcina Lutera Kinha, stylizavanyja pad vokładku novaha alboma Madony «Rebel Heart».
Kałažy na vokładku novaha alboma Madony
Na aryhinalnym zdymku śpiavačka abmatanaja drotam; vokładka była apublikavanaja ŭ sacyjalnych sietkach razam z šaściu pieršymi trekami z alboma, i fanaty karalevy pop-muzyki pačali rabić kałažy, vykarystoŭvajučy fatahrafii viadomych asobaŭ.
I kali Merylin Manro i Majkł Džeksan z drotam na tvary nie vyklikali admoŭnych emocyj, to fatahrafii Nelsana Mandeły i Marcina Lutera Kinha niekatorymi byli ŭspryniatyja jak prajava niepavahi i navat rasizmu.