Na vokładcy Vogue źjaviłasia pieršaja za 12 hadoŭ čarnaskuraja madelka
Džordan Dan (Jourdan Dunn) złamała 12-hadovuju rasavuju manatonnaść brytanskaha žanočaha časopisa.
Apošniaj ciomnaskuraj madelkaj, jakaja źjaviłasia na vokładcy «Vogue UK», była u 2002 hodzie Naomi Kempbeł.
Paśla jaje na vokładkach brytanskaha časopisa źjaŭlalisia tolki ciomnaskuryja śpiavački: Biejonse (maj 2013 h.) i Ryjana (listapad 2011 h.).
«Dziakuj «British Vogue», Patryku Demaršelje i Kiejtu Fełaju za toje, što heta zdaryłasia, a taksama chaču padziakavać ŭsim vam za luboŭ i padtrymku, dla mianie heta vielmi istotna», — napisała Džordan Dan.
Vokładka z Džordan pavinna źjavicca tolki ŭ lutym 2015, a ŭžo stała ledź nie histaryčnaj.
Mahčyma, što krytyka, jakuju zaraz skiravali šmatlikija — nie tolki praź internet — vydańni na žanočy časopis «Vogue» źmienić jaho kancepcyju.