Avijakampanija AirAsia moža stracić licenziju ŭ Indanezii paśla katastrofy
Avijakampanija AirAsia moža stracić licenziju ŭ Indanezii paśla katastrofy ŭ Javanskim mory, paviedamlajuć infarmahienctvy.
Ministerstva transpartu Indaniezii płanuje pravieści pravierku raskładaŭ ŭsich rejsaŭ avijakampanii AirAsia, pačynajučy z nastupnaha paniadziełka. U vypadku, kali buduć vyjaŭlenyja parušeńni, u kampanii mohuć adabrać licenziju na dziejnaść u Indaniezii.
Raniej avijacyjnyja ŭłady časova zabaranili AirAsia ažyćciaŭlać paloty pa maršrucie Surabaja-Sinhapur, na jakim 28 śniežnia paciarpieŭ krušeńnie avijałajnier hetaj kampanii. Kampanija pa hetym maršrucie mieła dazvoły na paloty tolki pa čatyroch kankretnych dniach tydnia, ale nie ŭ niadzielu, kali adbyłasia katastrofa. Va ŭpraŭleńni hramadzianskaj avijacyi krainy ŭ svaju čarhu zajavili, što kampanija Indonesia AirAsia na zakonnych padstavach vykonvała štodzionnyja paloty pa maršrucie Surabaja-Sinhapur-Surabaja.
Samalot Airbus A320-200 avijakampanii AirAsia, jaki rabiŭ rejs QZ 8501 ź indanezijskaha horada Surabaja ŭ Sinhapur, u noč na 28 śniežnia źnik z radaraŭ dyśpietčarskich słužbaŭ. Pa dadzienych ŚMI, na borcie znachodzilisia kala 160 čałaviek i siamiora členaŭ ekipaža. Amal usie pasažyry i členy ekipaža byli indaniezijcami. Znojdzienyja 30 cieł zahinułych. Biełaruskich hramadzian siarod pasažyraŭ źnikłaha z radaraŭ samalota avijakampanii AirAsia nie było, paviedamili ŭ MZS Biełarusi.
Pa apošniaj infarmacyi, ratavalniki znajšli niekalki bujnych abjektaŭ u rajonie pošukaŭ samalota. Znajści «čornyja skryni» da hetaha času nie ŭdałosia. Adnoj z pryčyn krušeńnia łajniera AirAsia mahła stać drennaje nadvorje.