Ułady pierapisvajuć pradprymalnikaŭ, jakija nie pracujuć
Jak stała viadoma «Eŭraradyjo», administracyi minskaha handlovaha centra "Manietka" zahadali terminova sabrać źviestki pra pradprymalnikaŭ, jakija nie vyjšli na pracu 3 studzienia. U hety dzień čynoŭniki Savieckaha vykankama pierapisali ŭsie handlovyja miescy, jakija byli začynienyja.
Administracyja handlovaha centra “Manietka”, jaki znachodzicca kala Kamaroŭskaha rynka ŭ Minsku, abtelefanoŭvaje pradprymalnikaŭ, jakija nie pracavali 3 studzienia. Mienavita ŭ hety dzień pradstaŭniki Savieckaha vykankama praviali rejd, pierapisvajučy handlovyja kropki, jakija byli zakrytyja.
Siońnia administracyja centra pa zahadzie čynoŭnikaŭ pavinna dać spravazdaču, čamu ŭ hety dzień handlovyja kropki nie pracavali. Pra heta Jeŭraradyjo paviedamiŭ adzin ź indyvidualnych pradprymalnikaŭ, jaki zapisaŭ razmovu z pradstaŭnikom administracyi “Manietki”.
Administracyja "Manietki": “Była pravierka z vykankamu za 3 studzienia. Vaš šapik nie pracavaŭ. Pa jakoj pryčynie? Da nas prajšli papiery z patrabavańniem daviedacca, pa jakoj pryčynie. Treciaha studzienia prychodziła žančyna z vykankamu i pierapisvała ŭsie kropki, jakija nie pracavali”
IP: “A kali vam treba dać adkaz u vykankam?”
Administracyja "Manietki": “Prama ciapier pažadana. Tamu što nieŭzabavie kirujučy handlovaj załaj źbirajecca iści ŭ vykankam z usimi papierami i tłumačeńniami pryčynaŭ, čamu nie pracavali”.