Biełaruskija čynoŭniki dadumalisia: z supracoŭnikaŭ PVT pačali brać zbor za vadu ŭ kalidory FOTAFAKT
Što dumajecie pra heta, ci heta spraviadliva?
«Dzieści paŭhoda tamu pisali, što kali pradpryjemstva nadaje rabotnikam, naprykład, butylavanuju vadu, ci tualetnuju papieru ŭ słužbovym tualecie, ci myła — to heta ŭskosny zarobak pracaŭnikoŭ, i jon pavinien abkładacca padatkam, jak inšy zarobak, — piša čytač «Našaj Nivy» Mikałaj. — Bjełaruskija čynoŭniki dadumalisia.
Tady ŭsie paržali, bo nie pavieryli.
Potym prajšło abviaržeńnie — tolki dla biudžetnych pradpryjemstvaŭ.
Ad siońniašniaha dnia ja płaču padatak za butylavanuju vadu ŭ kalidory, — piša Mikałaj, jaki pracuje na kiraŭničaj pasadzie ŭ adnoj z kampanij Parku vysokich technałohij u Minsku. — Biełaruski marazm! — narakaje jon. — Praŭda, u raźlikovym listku tolki vada, niama padatku na tualetnuju papieru pakul. Usio adno, hrošy z pavietra. U nas 2000 supracoŭnikaŭ, voś 2000 dalaraŭ štomiesiac z pavietra. Ci, dakładniej, z vady».
Jon dasłaŭ nam fota svajho raźlikovaha listka.