Dušan Uhryn-małodšy pryznačany novym hałoŭnym trenieram futbolnaha kłuba «Dynama» (Minsk)
47-hadovy Dušan Uhryn-małodšy 19 śniežnia pradstaŭleny ŭ jakaści novaha hałoŭnaha treniera minskaha «Dynama». Pahadnieńnie z češskim śpiecyjalistam padpisana terminam na adzin hod. Poŭny skład trenierskaha štaba novaha hałoŭnaha treniera budzie abvieščany paźniej, paviedamiła pres-słužba kłuba.
U čempijanacie Čechii Uhryn-małodšy ŭ jakaści hałoŭnaha treniera dvojčy zavajoŭvaŭ siarebranyja miedali: spačatku z «Mładaj» z Balasłava (2005/2006), a zatym — ź plzieńskaj «Viktoryjaj» (2013/2014). U tym ža hodzie «Viktoryja» stała finalistam Kubka Čechii. Akramia pracy z kłubami z Čechii («Bahiemijans», «Młada», «Viktoryja») trenier vyznačyŭsia ŭ Rumynii («Cimišaara» i «ČFR»), na Kipry (AJEŁ) i Hruzii, dzie aformiŭ «dubl» z tbiliskim «Dynama» (zołata čempijanatu i kubak krainy) u siezonie 2012/2013.
Uhryn-małodšy źjaŭlajecca synam Dušana Uhryna — byłoha hałoŭnaha treniera nacyjanalnaj zbornaj Čechii, ź jakoj u 1996 hodzie jon zavajavaŭ siarebranyja miedali čempijanatu Jeŭropy.
Dušan Uhryn-małodšy staŭ 29-m trenieram z 1999 hoda, kali haspadarom «Dynama» staŭ biźniesmien Juryj Čyž.
U siezonie-2014 dynamaŭcami kiravaŭ Uładzimir Žuraviel, jaki vyvieŭ kamandu ŭ hrupavy raŭnd Lihi Jeŭropy i pryvioŭ jaje da siarebranych miedaloŭ čempijanatu krainy.