Kvatery biez adździełki pa 1700 dalaraŭ
Padčas aŭkcyjonu pa prodažy kvater u enerhaźbierahalnym domie, jaki prajšoŭ 26 śniežnia ŭ Minsku, ceny ŭ siarednim vyraśli ŭ 1,58 razu ŭ paraŭnańni ź pieršapačatkovaj.
Padčas aŭkcyjonu pa prodažy kvater u enierhaźbierahalnym domie, jaki prajšoŭ 26 śniežnia ŭ Minsku, ceny ŭ siarednim vyraśli ŭ 1,58 razu ŭ paraŭnańni ź pieršapačatkovaj, paviedamili BiełaPAN u Minskim haradskim centry nieruchomaści.
Na aŭkcyjon było vystaŭlena 35 kvater biez adździełki ŭ čaćviortym padjeździe doma pa vulicy Prytyckaha, 107, pa pačatkovym košcie 1.023,68 dołara za kvadratny mietr. Usie kvatery byli pradadzieny. Ich cana skłała ad 1.530 da 1.724 dołaraŭ za kvadratny mietr.
Nahadajem, što papiarednija aŭkcyjony pa prodažy kvater u hetym domie adbylisia 30 listapada i 12 śniežnia. Ceny ŭ paraŭnańni ź pieršapačatkovymi ŭzraśli ŭ 1,44 i 1,49 razu.
Dzieviacipaviarchovy panelny dom płoščaj kala 10 tys. kv. m u mikrarajonie Čyrvony Bor byŭ zdadzieny ŭ ekspłuatacyju ŭ vieraśni. U im vykarystana prytočna-vyciažnaja sistema vientylacyi z rekupiratarami-ciepłaabmieńnikami. Na kožnaj łodžyi zmantavany pavietravody i ciepłaabmieńniki z pultami kiravańnia, jakija dazvolać kožnamu žycharu ŭstanaŭlivać nieabchodny mikraklimat u kvatery (vilhotnaść, tempieratura i inšyja paramietry). Za košt dadatkovych mierapryjemstvaŭ pa ŭciapleńni panelaŭ doma ciepłastraty źnižany na 30—50 %. Pry budaŭnictvie vykarystany sučasnyja technałohii padrychtoŭki akonnych prajomaŭ i ŭstanoŭki škłopakietaŭ.
Pieršyja aŭkcyjony pa prodažy kvater u Minsku adbylisia ŭ lipieni i žniŭni 2007 hoda. Tady ceny na kvatery padčas tarhoŭ uźnialisia ŭ 1,5—2,1 razu.