Stali viadomyja pamiery štrafu za vysiečanyja ŭ lesie jełki
Napiaredadni kaladnych i navahodnich śviataŭ dziaržaŭnaja lasnaja achova pierachodzić na ŭzmocnieny režym achovy lasoŭ dla niedapuščeńnia niezakonnych vysiečak chvajovych dreŭ, paviedamiła pres-słužba Ministerstva lasnoj haspadarki.
Dziaržaŭnaja lasnaja achova sumiesna ź Dziaržaŭnaj inśpiekcyjaj pa achovie žyviolnaha i raślinnaha śvietu pry prezidencie, pradstaŭnikami Minpryrody, MUS i inšych kantralujučych orhanaŭ budzie rehularna pravodzić apieratyŭnyja rejdavyja mierapryjemstvy pa vyjaŭleńni i pryciahnieńni da adkaznaści hramadzian, jakija niezakonna vysiakajuć drevy.
Zhodna z art. 15.22 Kodeksa ab administracyjnych pravaparušeńniach niezakonnaje źniščeńnie, u tym liku niezakonnaja vysiečka abo paškodžańnie draŭniana-chmyźniakovaj raślinnaści ŭ lasach pieršaj hrupy dziaržlesfondu (asabliva achoŭnyja), a taksama toj, što nie ŭvachodzić u dziaržaŭny lasny fond
ciahnuć nakładańnie štrafu ŭ pamiery ad 5 da 50 bazavych vieličyniaŭ (ad 750 tys. da 7,5 młn. rubloŭ). Tyja ž dziejańni, učynienyja ŭ astatnich lasach dziaržlesfondu, ciahnuć za saboj štraf u pamiery da 30 bazavych vieličyniaŭ (4,5 młn. rubloŭ).
Pres-słužba zaznačyła, što lashasy dajuć mahčymaść usim žadajučym zakonna nabyć navahodnija drevy ŭ asartymiencie. Dla hetaha z 23 śniežnia razhortvajecca pieradśviatočny handal navahodnimi drevami.
U halinie majecca 800 ha śpiecyjalnych płantacyj jełak navahodnich, na jakich vyroščvajecca kala 3 młn. dreŭ. Lashasy majuć mahčymaść realizavać narychtavanyja drevy jełki, sasny, navahodnija bukiety, a taksama dekaratyŭnyja drevy ŭ kadkach.
Lashasami sumiesna z abłvykankamami i Minskim harvykankamam budzie arhanizavana bolš jak 900 handlovych kropak pa realizacyi navahodnich dreŭ i inšaj śviatočnaj pradukcyi.
Na handlovych kropkach lashasaŭ (da ich nie adnosiacca kamiercyjnyja jołačnyja bazary) navahodniaje dreva vyšynioj da 1 m budzie ŭ siarednim kaštavać ad 50 tys. rubloŭ, 1,01—2 m — ad 80 tys., 2,01—3 m — ad 100 tys., vyšynioj bolš jak 3 m — ad 200 tys. rubloŭ.
Nabyć drevy možna i ŭ laśnictvach, dzie žadajučyja mohuć samastojna vybrać sabie navahodniaje dreva ź liku tych, što rastuć i padlahajuć vysiečcy. Kaštavać navahodnija drevy ŭ laśnictvach buduć mienš, čym u handlovych kropkach. Kantaktnyja telefony i adrasy lashasaŭ i laśnictvaŭ možna znajści na sajtach Ministerstva lasnoj haspadarki i samich lashasaŭ.