U Paŭnočnaj Karei zabaranili nazyvać dziaciej imiem kiraŭnika dziaržavy
Akramia taho, usie ciozki paŭnočnakarejskaha lidara Kim Čen Yna pavinny buduć u bližejšy čas pamianiać svajo imia na inšaje.
Jak paviedamlaje paŭdniovakarejskaje ahienctva Jonchap, adpaviednaja dyrektyva była vypuščana ŭ KNDR jašče ŭ 2011 hodzie, ale viadoma pra heta stała tolki ciapier. Pavodle dadzienych paŭdniovakarejskich miedyja, u dyrektyvie havorycca, što źmiena imia pavinna być praviedziena «pa ŭłasnym žadańni».
Kiraŭnictva KNDR nie paviedamlaje, kolki žycharoŭ krainy vymušanyja buduć źmianić imia i dakumienty.
Viadoma, što amal kožnaja piataja siamja ŭ Paŭnočnaj Karei nosić proźvišča Kim. Imia Čen Yn taksama nie źjaŭlajecca redkim.
Anałahičnaje praviła dziejničała i ŭ dačynieńni da baćki i dzieda ciapierašniaha kiraŭnika Paŭnočnaj Karei, Kim Čen Ira i Kim Ir Siena, zasnavalnika paŭnočnakarejskaha dziaržavy.