Biełaruś choča zavozić małako z Estonii
Na hetym tydni ministr sielskaj haspadarki Estonii Ivar Padar znachodzicca ź vizitam u Biełarusi. U Minsku Padar sustrakajecca ź biełaruskim kaleham i ministram handlu, a taksama z pradstaŭnikami pradpryjemstvaŭ małočnaj i rybnaj pramysłovaści.
Jak paviedamiŭ telekanał ERR, Pasolstva Biełarusi ŭ Estonii ŭ pačatku listapada prapanavała zakuplać małako ŭ hetaj prybałtyjskaj krainie. Takaja zacikaŭlenaść tłumačycca ŭzrosłym popytam na biełaruskija małočnyja pradukty z boku Rasii.
Z 2004 hoda Estonija nie ekspartavała małako i małočnyja pradukty ŭ Biełaruś. Paśla vizitu estonskaj delehacyi ŭ Minsku vyśviatlacca dalejšyja kroki supracoŭnictva dźviuch krain.
Sa žniŭnia 2014 u Rasiju zabaranieny ŭvoz estonskaj małočnaj pradukcyi.