U Pieciarburhu adkryli pieršuju ŭ Rasii cyrulniu tolki dla pravasłaŭnych
Haradskoje kazačaje tavarystva «Pravasłaŭny sajuz kazakoŭ «Irbis» abviaściła pra adkryćcio pieršaj u Rasii pravasłaŭnaj cyrulni.
Va ŭstanovie buduć stryhčy tolki tych, chto vyznaje pravasłaŭnuju vieru. Jak mienavita supracoŭniki cyrulni buduć praviarać vieravyznańnie klijenta, nie ŭdakładniajecca.
Cyrulnia zapracavała jašče 10 listapada.
Ataman «Irbisa» Andrej Palakoŭ, jaki i staŭ stvaralnikam cyrulni, raniej zasnavaŭ pravasłaŭnaje kazačaje taksi, kazačy kadecki kaledž i reabilitacyjny centr dla tych, chto pakutuje ad ałkahalizmu i narkamanii.