Rasijskija ŭłady chočuć źniać Vieniedziktava z kiraŭnika «Echo Moskvy»
21 listapada saviet dyrektaroŭ Radyjo «Echo Moskvy» prahałasuje pytańnie hałoŭnaha redaktara radyjostancyi.
Dakumient ab zavočnym hałasavańni za podpisam Michaiła Lesina vyviešany ŭ błohu «Echo Moskvy». Lesin — staršynia savieta dyrektaroŭ kampanii «Hazprom miedyja», častkaj jakoj źjaŭlajecca radyjostancyja «Echo Moskvy», jon ža źjaŭlajecca i staršynioj savieta dyrektaraŭ radyjostancyi.
Na hałasavańnie vyniesienyja try pytańni.
Pieršym punktam idzie «Ab hałoŭnym redaktary «Echo Moskvy», a potym pra farmat viaščańnia radyjokanała i redakcyi.
Chutčej za ŭsio, nieabchodnaść pazapłanavaha hałasavańnia paŭstała paśla skandału z tvitam viadučaha radyjostancyi Alaksandra Pluščava nakont śmierci syna Siarhieja Ivanova.
Hienieralny dyrektar kanała zvolniła viadučaha, ale suprać vystupiŭ hałoŭny redaktar Alaksiej Vieniedziktaŭ, skazaŭšy, što zvalnieńnie supracoŭnika pavodle statuta radyjostancyi — jaho, hałoŭnaha redaktara, prerahatyva. Tady Michaiła Lesin, u jakaści staršyni savieta dyrektaroŭ stancyi, nahadaŭ Vieniedziktavu, što jaho, Vieniedziktava, zvalnieńnie — prerahatyva savieta dyrektaroŭ.