Biełaruski chakieist u NCHŁ Hraboŭski: Chaču, kab maje dzieci vučyli biełaruskuju movu
islanders.nhl.com
Pra heta adziny ŭ sioletnim siezonie pradstaŭnik Biełarusi ŭ Nacyjanalnaj chakiejnaj lizie (NCHŁ) Michaił Hraboŭski zajaviŭ u intervju telekanału STB, adkazvajučy na pytańnie, jakoje ŭ dziaciej hramadzianstva — biełaruskaje ci kanadskaje.
Sam Michaił zaraz vystupaje za «Ńju-Jork Ajlenders», ale doŭhi čas hulaŭ u Kanadzie: za «Hamiltan» (čempijanat ACHŁ, 2006—2008), «Manreal» (2006—2008) i najbolej za «Taronta» (2008-2013). Minuły siezon jon pravioŭ u «Vašynhtonie».
«U dziaciej padvojnaje hramadzianstva. Heta značyć ja im pašpart zrabiŭ biełaruski.
Vielmi chaču, kab jany kožnaje leta pryjazdžali, vučyli movu biełaruskuju. Bo ja ž adtul i pačuvajusia biełarusam. Asabliva paśla čempijanatu śvietu heta dakładna. Heta važna».
Sioleta za «Ajlenders» Hraboŭski pravioŭ 12 matčaŭ, zakinuŭ try šajby i zrabiŭ čatyry halavyja pieradačy, a sam ńju-jorkski kłub zajmaje 4-je miesca va Uschodniaj kanfierencyi.