U Kalinkavičach piakuć kaśmičny chleb
Vypiakać chleb z vykarystańniem kaśmičnych technalohij pačali na Kalinkavickim chlebazavodzie. Upieršyniu ŭ Biełarusi.
Vypiakać chleb z vykarystańniem kaśmičnych technałohij pačali na Kalinkavickim chlebazavodzie.
Receptura chleba — zvyčajnaja, niezvyčajnaja pieč, u jakoj chleb piakuć. U joj vykarystany efiekt ŚCIR, jaki prymianiajecca ŭ kaśmičnych raspracoŭkach. Takaja pieč — pieršaja ŭ Biełarusi.
Novaja pieč na Kalinkavickim chlebazavodzie źjaviłasia 4 miesiacy tamu. Ideju nabyć takuju ŭstanoŭku administracyja pradpryjemstva pryviezła hod tamu ź Miunchiena. Tam na mižnarodnaj vystavie i prezientavali cuda‑pieč vytvorcy. Ich dovady padalisia biełarusam pierakanaŭčymi.
Unikalnaść piečy — u vykarystańni efiektu ŚCIR. Na jaje ŭnutranuju pavierchniu naniesieny tonki słoj śpiecyjalnaha kieramičnaha napyleńnia. Takoje ž vykarystoŭvajecca ŭ kaśmičnych raspracoŭkach. Kieramika nie daje ciapłu ź piečy vychodzić, i jano, adbivajučysia, vypiakaje chleb znutry.
Užo pieršyja miesiacy raboty niezvyčajnaj piečy apraŭdali prahnozy pa bieražlivaści. Za košt bolš racyjanalnaha vykarystańnia ciepłavoj enierhii paskoryŭsia praces vypiečki, i adpaviedna — pradukcyjnaść. Ale samaje hałoŭnaje: kali raniej chleb i biełabułačnyja vyraby vypiakali ŭ roznych piečach, zaraz dastatkova adnoj takoj ustanoŭki. Varta tolki źmianić tempieraturny i časavy režymy. I kali raniej dzionny abjom pradukcyi zavoda dźvie stalnyja piečy vypiakali pa 20 hadzin, to zaraz adna i ŭsiaho za 16.
Ale i hety raźlik ekanomii jašče nie kančatkovy. Pieršyja dva miesiacy pieč pracavała ŭ režymie teściravańnia, a značyć nie na poŭnuju mahutnaść. Tym časam u Kalinkavickaha chlebazavoda źjavilisia paśladoŭniki. Takuju ž ustanoŭku nabyli i ŭ susiednim, Rečyckim, rajonie.