Vyśvietliłasia, što budzie ź mietaličnymi litami z 1 studzienia
Kali 1 studzienia ŭ Litvie budzie ŭviedzieny jeŭra, u adchody pieratvoracca kupiury i maniety litaŭ. Kudy ŭsio heta dzieniecca?
Papiarovyja kupiury buduć źniščanyja, a maniety atrymajuć druhoje žyćcio. Centrabank Litvy płanuje ź ich zrabić skulpturu «baćki lita», prafiesara Uładasa Jurhucisa, piša Delfi.
U skulptury pieršaha kiraŭnika Centrabanka Litvy buduć vykarystanyja i maniety naminałam adzin lit, źniatyja z abarotu. «Heta budzie niby simvaličnaje viartańnie «doŭhu» adnamu sa stvaralnikaŭ hrašovaj sistemy niezaležnaj Litvy», — skazaŭ pradstaŭnik banka Hiedrus Simanavičus.
Skulptura budzie pastaŭlena ŭ centry Vilni, kala Centrabanka. Kolki maniet spatrebicca na jaje stvareńnie skulptury, pakul nieviadoma.
Što stanie z astatnimi hrašyma?
«Častka ich zastaniecca ŭ muziejach i kalekcyjach numizmataŭ. Bolšaja častka maniet budzie defarmavanaja, a mietał pradadzieny, banknoty — źniščany», - skazaŭ Simanavičus.