U suviazi z zabastoŭkaj Lufthansa admienienyja rejsy avijakampanii ź Minska
U suviazi z zabastoŭkaj piłotaŭ Lufthansa 20 kastryčnika admienienyja rejsy hetaj avijakampanii ź Minska, paviedamili ŭ servisnym centry kampanii ŭ biełaruskaj stalicy.
«Pakolki abvieščana zabastoŭka, rejsy siońnia vykonvacca nie buduć. Kali patrabavańni strajkoŭcaŭ buduć vykanany siońnia, to zaŭtrašnija rejsy adbuducca», — skazali ŭ kampanii.
20 kastryčnika pavinny byli adbycca rejsy Minsk — Frankfurt-na-Majnie ŭ 13.40 i Frankfurt-na-Majnie — Minsk u 20.40.
Lotčyki avijakampanii Lufthansa abviaścili čarhovuju dvuchdzionnuju zabastoŭku 20 i 21 kastryčnika. Avijapieravozčyk płanuje admianić 1.450 rejsaŭ. Pa ŭsioj Hiermanii admianiajucca pasažyrskija rejsy avijałajnieraŭ madelaŭ Airbus A320, Boeing 737 i Embraer. Prafsajuz zaklikaŭ piłotaŭ prypynić pracu na 35 hadzin - z 13.00 paniadziełka da 23.59 aŭtorka.
Kampanija Lufthansa nastojvaje na tym, kab lotčyki na niekalki hadoŭ paźniej vychodzili na apłačvanuju piensiju, a prafsajuz sprabuje hetaha nie dapuścić. Kampramisnyja prapanovy prafsajuza avijakampaniju nie zadavalniajuć. Z krasavika 2014 piłoty najbujniejšaj u Jeŭropie avijakampanii praviali ŭžo siem zabastovak.