Na vulicach Viciebska znoŭ razdajuć rasiejskija ściažki
U haradach Biełarusi praciahvajecca raspaŭsiudžvańnie simvoliki susiedniaj dziaržavy.
Pra heta sajtu charter97.org paviedamiŭ adzin z čytačoŭ.
«Siońnia byŭ prajezdam u Viciebsku. La Makdonaldsa (drenna viedaju horad, tamu dakładnuju nazvu vulicy nie skažu), na śviatłafory hłuchaniamy razdavaŭ ściažki RB i RF. Ja paklikaŭ jaho, vyrvaŭ z ruk ściažok našych uschodnich susiedziaŭ-varvaraŭ i sa słovami «tut tabie nie Rasija. Niama čaho tut hetyja anučy razdavać», špurnuŭ ściažok na ziamlu. Raptam u hłuchaniamoha prarezaŭsia słych (z vyrazu jahonaha tvaru było vidać, što jon zrazumieŭ kožnaje majo słova). Jon padniaŭ hetuju anuču i reciravaŭsia da inšaha aŭto. Ja byŭ zadavoleny, što napružyŭ niervy hetamu pseŭdainvalidu-zdradniku», — raspavioŭ čytač.
Nahadajem, vypadki razdačy ściahoŭ Rasii zafiksavanyja jak u Minsku, tak i ŭ inšych abłasnych centrach i bujnych haradach. Pra heta paviedamlali žychary Babrujska, Hrodna, Viciebska, Homiela, Oršy, Połacka, Baranavičaŭ. Razdaču ściahoŭ arhanizujuć prarasiejskija arhanizacyi, jakija dziejničajuć u Biełarusi.
Praktyčna va ŭsich vypadkach biełaruskija ŭłady ihnarujuć fakt razdačy simvoliki susiedniaj dziaržavy na vulicach biełaruskich haradoŭ.