U Hankonhu pačalisia sutyknieńni demanstrantaŭ z palicyjaj FOTA
La ŭradavaha budynka ŭ Hankonhu, dzie prachodziać masavyja akcyi pratestu, pačalisia sutyknieńni demanstrantaŭ z palicyjaj, jakaja zapasajecca srodkami baraćby z vuličnymi biesparadkami.
fota Reuters
Pobač z budynkam sabraŭsia vialiki natoŭp moładzi i studentaŭ, jakija patrabujuć adstaŭki kiraŭnika administracyi Hankonha Lan Čženjina
Jany zajaŭlajuć, što, kali heta patrabavańnie nie budzie vykanana da paŭnočy, jany zojmuć administracyjnyja budynki. U inšych rajonach, dzie taksama sabrałasia vialikaja kolkaść demanstrantaŭ, abstanoŭka zastajecca spakojnaj.
Tym časam ułady znoŭ zaklikali demanstrantaŭ razyścisia, a palicyja papiaredziła, što nie budzie biaździejničać, kali pratestoŭcy trapiać na terytoryju ŭradavaha kompleksu.
Jak ŭdakładniajecca, kala budynku ŭrada zastajucca niekalki sotniaŭ pratestoŭcaŭ, paśla taho jak studenckija lidery abviaścili uładam ultymatum.
Nahadajem, pratesty demanstrantaŭ pačalisia z-za płanaŭ kitajskaha kiraŭnictva zaćviardžać kandydataŭ na vybarach, jakija projduć u Hankonhu ŭ 2017 hodzie. Pratestoŭcy patrabujuć pramych i adkrytych demakratyčnych vybaraŭ.