Łukašenka zapatrabavaŭ u Banka raźvićcia bolš žorstka stavicca da spahnańnia praterminavanych kredytaŭ
Takuju zadaču jon pastaviŭ siońnia, prymajučy z dakładam staršyniu praŭleńnia AAT «Bank raźvićcia Respubliki Biełaruś» Siarhieja Rumasa.
Kiraŭnik dziaržavy krytykavaŭ pahadnialnickuju pazicyju Banka raźvićcia pa spahnańni prablemnych daŭhoŭ i zapatrabavaŭ pracavać nie tolki z pazyčalnikami, jakija dapuskajuć praterminavanyja daŭhi, u asnoŭnym heta sielhaspradpryjemstvy, ale i z abłvykankamami.
«My damaŭlalisia, što ŭ banku nijakaj dabračynnaści być nie pavinna. Bank pavinien funkcyjanavać na žorstkich umovach i padtrymlivać tolki tyja prajekty, jakija buduć akuplacca, pry hetym pažadana ŭ karotkaterminovaj pierśpiektyvie», - padkreśliŭ Alaksandr Łukašenka.
Łukašenka byŭ prainfarmavany ab vynikach raboty Banka raźvićcia za 9 miesiacaŭ hetaha hoda, krynicach pryciahnieńnia resursaŭ.