Rasieja Miadźviedzieva budzie ŭsio dalejšaja ad Łukašenki
Rasieja praciahnie intensiŭnaje raźvićcio kapitalizmu, a zachavańnie vysokich cenaŭ na enerhanośbity budzie i nadalej hałoŭnaj zadačaj zamiežnaj palityki Rasiei. Kamentar Redakcyi.
Rasieja praciahnie intensiŭnaje raźvićcio kapitalizmu, a zachavańnie vysokich cenaŭ na enerhanośbity budzie i nadalej hałoŭnaj zadačaj zamiežnaj palityki Rasiei. Kamentar Redakcyi.
Vybar Pucina staŭ viadomy. Miadźviedzieŭ — prafesarski syn, hadavaniec Pieciarburhu, narodžany ŭ 1965 hodzie, staleńnie jakoha prypała na hady vajny ŭ Aŭhanistanie i hnijeńnia savieckaj imperyi. U rasiejskaj viarchoŭcy ciažka znajści niekaha bolš eŭrapiejskaha ŭ siłu svajho pachodžańnia. Niezdarma Pucin stolki siłaŭ ukłaŭ u svaju pijar-kampaniju pierad vybarami: biez padtrymki Pucina Miadźviedzievu ciažka było b pieramahčy.
Miadźviedzieŭ maje vydatnyja suviazi, kali nie skazać — poviazi — z rasiejskim kapitałam. “Hazprom” staić za jahonaj kandydaturaj. Jon biezumoŭna praciahnie raźvićcio dziaržaŭna-manapalistyčnaha kapitalizmu, a kurs na pabudovu enerhietyčnaj imperyi zastaniecca niaźmienny. Heta aznačaje, što zachavańnie vysokich cenaŭ na enerhanośbity budzie i nadalej hałoŭnaj zadačaj zamiežnaj palityki Rasiei. Heta aznačaje taksama, što intaresy Rasiei buduć i nadalej dyjametralna supraćlehłymi intaresam małych uschodnieeŭrapiejskich dziaržavaŭ, u tym liku Biełarusi.
Heta dazvalaje z stopracentavaj imaviernaściu sprahnazavać, što za čatyry hady Biełaruś budzie jašče dalejšaja ad Rasiei, i pavialičvaje hipatetyčnyja šancy na zbližeńnie Biełarusi z Eŭrasajuzam.
Miadźviedzieŭ aznačaje taksama karekcyju kursu na pabudovu ŭ Rasiei dziaržavu liberalna-kapitalistyčnaha ŭzoru. Takaja Rasieja budzie našmat bolš pryciahalnaju, čym Rasieja absalutysckaja ci aŭtarytarnaja. Kulturnaja pryvabnaść Rasiei budzie raści, i ad taho buduć raści kulturnyja vykliki pierad Biełaruśsiu.