U Maskvie kaŭkazcy ŭziali šturmam aŭtobus AMAPa i vyzvalili zatrymanaha. Milicyja nie supraciŭlałasia VIDEA
Prychadžanie miačeci ŭ Maskvie prymusili AMAP adpuścić zatrymanaha aŭtamabilista.
U internecie źjaviłasia videa, jakoje było źniata ŭ minułuju piatnicu na Vialikaj Tatarskaj vulicy ŭ Maskvie, dzie, u pryvatnaści, znachodzicca Maskoŭskaja histaryčnaja miačeć.
Supracoŭniki AMAPa zatrymali adnaho ź viernikaŭ. Sotni musulman akružyli aŭtobus i pačali patrabavać tłumačeńniaŭ. Paśla niadoŭhaha vyśviatleńnia adnosin pradstaŭniku miačeci i rodnamu bratu zatrymanaha ŭdałosia ŭvajści ŭ aŭtobus. Pry hetym zatrymany zajaviŭ, što jaho bili. Paśla słaviesnaj svarki musulmanie pajšli na šturm aŭtobusa i vyzvalili aryštavanaha. Pry hetym niekatoryja prysutnyja zajavili, što «heta sapraŭdnaja revalucyja».