Džordž Kłuni ažaniŭsia z advakatkaj
Siarod haściej byŭ znakamity akcior Bił Miurej
Sindzi Kroŭfard vitaje turystaŭ
Akcior Met Dejman
Bona abniaŭ kanśjerža
Zorka Halivuda Džordž Kłuni ažaniŭsia z advakatkaj i pravaabaroncaj Amal Ałamudzin u Vieniecyi. Ich viasielle stała adnoj z samych čakanych padziej hoda ŭ šou-biźniesu.
Cyrymonija šlubu prajšła ŭ raskošnym hateli Aman ź vidam na Hrand-kanał. Na jaje byli zaprošany tolki blizkija siabry pary, siarod jakich mnohija supierzorki Halivuda.
53-hadovy akcior i jaho 36-hadovaja abrańnica sustrakajucca z kastryčnika minułaha hoda.
Pra toje, što šlub zaklučany, žurnalistam paviedamiŭ ahient Kłuni. Druhich paviedamleńniaŭ dla presy z nahody viasiella nie budzie.
Hości prajechali na jachcie pa Hrand-kanale, vitajučy sotni ludziej, jakija sabralisia na bierazie, kab ubačyć znakamitaściaŭ.
Siarod haściej byli supiermadel Sindzi Kroŭfard, akciory Bił Miurej i Met Dejman, a taksama lidar hurtu U2 Bona.
Jachce niekalki razoŭ nie davali prajechać turystyčnyja katary, što davała mahčymaść paparacy sfatahrafavać viasielnuju pracesiju.
Amal Ałamudzin naradziłasia ŭ Livanie, vučyłasia ŭ Oksfardskim i Ńju-Jorkskim univiersitetach. Pa prafiesii jana advakat i śpiecyjalizujecca na pytańniach abarony pravoŭ čałavieka.
Ałamudzin pradstaŭlała Džulijana Asanža na słuchańniach u jaho vierahodnaj ekstradycyjaj ź Vialikabrytanii, a taksama była daradcam byłoha hienieralnaha sakratara AAN Kofi Anana, kali toj byŭ pryznačany pasłańnikam pa Siryi.
Jana taksama pradstaŭlała intaresy eks-premjera Ukrainy Julii Cimašenki.
Kłuni, adzin z samych viadomych amierykanskich akcioraŭ, u minułym byŭ žanaty na aktrysie Talii Bołsam, ale ŭ 1993 hodzie muž i žonka aformili razvod.
Za svaju karjeru jon atrymaŭ dva «Oskary» — za lepšuju mužčynskuju rolu druhoha płana ŭ trylery «Siryana» ŭ 2006 hodzie i jak pradziusar filma «Apieracyja «Arho»», jaki pieramoh u naminacyi «Najlepšy film» ŭ 2013 hodzie.
Vybar miesca šlubu, vierahodna, źviazany z tym, što Kłuni rehularna pryjazdžaje ŭ hety horad dziela Vieniecyjanskaha kinafiestyvalu. Akramia taho, u jaho jość viła na voziery Koma na poŭnač ad Miłana.
Viasielle Kłuni i Ałamudzin vyklikała žyvuju cikavaść u sacsietkach.
«Džordž Kłuni žanaty, — napisaŭ adzin z karystalnikaŭ Twitter. — Mužčyny kalektyŭna uzdychnuli z palohkaj. Usie astatnija harujuć».