Papa rymski Francišak adznačyŭ rolu Biełarusi ŭ pracesie adnaŭleńnia miru va Ukrainie
Papa rymski Francišak adznačyŭ rolu Biełarusi ŭ pracesie adnaŭleńnia miru va Ukrainie. Heta adbyłosia 25 vieraśnia padčas aŭdyjencyi ŭ apostalskim pałacy apostalskaha nuncyja ŭ Biełarusi arcybiskupa Kłaŭdya Hudžeroci, paviedamlaje pres-słužba Biełaruskaj katalickaj carkvy.
«Pantyfik prademanstravaŭ hłybokaje viedańnie roli Biełarusi ŭ pracesie adnaŭleńnia miru va Ukrainie i vykazaŭ upeŭnienaść, što asablivaja rola chryścijan — być miratvorcami, tamu što luboŭ macniejšaja za lubyja etničnyja padzieły i palityčnyja roznahałośsi», — havorycca ŭ paviedamleńni.
Pavodle infarmacyi pres-słužby, «pantyfik z entuzijazmam pryniaŭ da viedama, što katalickaja carkva ŭ Biełarusi zastajecca žyvoj i aktyŭnaj supolnaściu». Papa Francišak padkreśliŭ, što i ŭ dalejšym Śviaty prastoł budzie dziejničać na karyść biełaruskaha naroda, i vykazaŭ nadzieju, što atmaśfiera dyjałohu i ŭzajemarazumieńnia pamiž Śviatym prastołam i Respublikaj Biełaruś «budzie ŭmacoŭvacca, dazvalajučy znajści stanoŭčaje rašeńnie niekatorych adkładzienych pytańniaŭ».
Hudžeroci pieradaŭ pantyfiku padarunak ad biełaruskaj katalickaj moładzi — niekalki pilihrymskich futbołak z pałomnictva ŭ sanktuaryj Maci Božaj Budsłaŭskaj.
Papa Francišak vykazaŭ nadzieju na toje, što maładyja biełarusy, niezaležna ad vieravyznańnia i pierakanańniaŭ, adčuvajuć siabie «pratahanistami budučyni, ludźmi nieabyjakavymi da ahulnaha dabrabytu svajoj krainy i ŭsiaho čałaviectva».