Interfaks: U Chadarkoŭskaha ŭ bližejšyja 10 hadoŭ niama šancaŭ stać prezidentam Rasii
Jak patłumačyŭ Interfaksu advakat Dźmitryj Ahranoŭski, eks-kiraŭnik JUKASa paśla adbyćcia terminu pakarańnia pavinien jašče pahasić sudzimaść. Pavodle jaho słoŭ, termin pahašeńnia sudzimaści składaje kala dziesiaci hadoŭ.
«U novych papraŭkach hety termin niadaŭna pavialičyli, i ciapier jon składaje kala dziesiaci hadoŭ. I na praciahu hetaha času čałaviek ličycca sudzimym i nie moža abiracca ŭ orhany ŭłady», — padkreśliŭ juryst.
Napiaredadni Michaił Chadarkoŭski, vystupajučy ŭ Paryžy, nie vyklučyŭ, što moža ŭstupić u baraćbu za pasadu prezidenta Rasii, kab vyvieści krainu z kryzisnaj situacyi.
«Ja b nie vyjaŭlaŭ cikavaści da prezidenckaj pasady, kali b Rasija raźvivałasia narmalna», — padkreśliŭ jon.
«Ale ja hatovy stać prezidentam, kali heta spatrebicca dla taho, kab pieražyć kryzis i pravieści kanstytucyjnuju reformu», — adznačyŭ Chadarkoŭski.