Hieroj Kryma Julij Mamčur ŭvojdzie ŭ śpis «Błoka Parašenki»
U pieršuju piaciorku vybarčaha śpisu Partyi «Błok Piatra Parašenki» ŭvojdzie pałkoŭnik Pavietranych sił Ukrainy Julij Mamčur.
Pra heta žurnalistam paviedamiŭ kiraŭnik partyi Juryj Łucenka, pieradaje pres-słužba «Treciaj ukrainskaj respubliki».
«Ja liču, što deputaty, akramia prafiesijnych zadač pisać zakony, pavinny jašče i być hołasam hramadstva. Prymajučy zakony, jany pavinny vykazvać mierkavańnie hramadstva, — skazaŭ jon. — Akramia taho, my chočam padkreślić važnaje značeńnie rehularnaj ukrainskaj armii dla budučyni Ukrainy. Tamu ŭ našaj piaciorcy, vierahodna, budzie pałkoŭnik Mamčur — adzin ź simvałaŭ Uzbrojenych sił Ukrainy».
Julij Mamčur viadomy niehvałtoŭnym vyzvaleńniem ad rasijskich zachopnikaŭ aeraporta Bielbiek u Krymie.