Bajcy bataljona «Čarkasy»: My z hołymi rukami na tanki idziem VIDEA
400 bajcoŭ bataljona «Čarkasy» admovilisia ŭdzielničać u ATA.
Vajskoŭcy bataljona terytaryjalnaj abarony Čarkasy amal poŭnym składam napisali raparty ab admovie vykonvać złačynny na ich dumku zahad. Pra heta paviedamlaje telekanał «Ukraina» u prahramie «Padziei».
Bajcy śćviardžajuć, što suprać varožych tankaŭ i artyleryi jany vyjšli praktyčna biazzbrojnymi. «My ŭsie patryjatyčna nastrojenyja, usie hatovyja iści… my z hołymi rukami idziem na hetyja tanki. Ale paleźci pad artyleryju, pad «Hrady»…», — zajaviŭ namieśnik kamandzira bataljona Uładzimir Mielnik.
Na kadrach vidać, što dla pieramiaščeńnia bajcoŭ vykarystoŭvajecca były školny aŭtobus, a sami vajskoŭcy skardziacca na krytyčny niedachop vajennaj techniki.
U vyniku bajcy pastavili ultymatum: albo vajskoŭcy vykonvajuć zadačy, jakija možna ažyćciavić z najaŭnym vajenna-techničnym abstalavańniem, albo ich uzbrojvajuć dla vykanańnia pastaŭlenych zadač.