ZŠA zadavolenyja tym, što Biełaruś nie pryznała aneksiju Kryma Rasijaj
Złučanyja Štaty Amieryki zadavolenyja tym, što Biełaruś nie pryznała aneksiju Kryma Rasijaj. Pra heta zajaviŭ namieśnik pamočnika dziaržsakratara ZŠA pa pytańniach demakratyi, pravoŭ čałavieka i pracy Tomas Mielia 10 vieraśni žurnalistam u Minsku pa vynikach vizitu mižviedamasnaj delehacyi ŭrada ZŠA.
«Vykazvajem zadavalnieńnie, što ŭrad Biełarusi nie pryznaŭ aneksiju Kryma Rasijaj i što Minsk pahadziŭsia pryniać sustreču pa pošuku šlachoŭ vyrašeńnia kanfliktu va Ukrainie», — skazaŭ jon.
Mižviedamasnaja delehacyja ZŠA znachodzicca ŭ Minsku z 8 pa 11 vieraśnia.
9 vieraśnia z delehacyjaj sustreŭsia namieśnik ministra zamiežnych spraŭ Alaksandr Hurjanaŭ. U sustrečy ŭdzielničali pamočnik administratara Ahienctva ZŠA pa mižnarodnym raźvićci Pejdž Aleksander, namieśnik pamočnika ministra abarony ZŠA Evielin Farkas, namieśnik pamočnika dziaržaŭnaha sakratara ZŠA Tomas Mielia, časovy pavierany ŭ spravach ZŠA ŭ Biełarusi Skot Rołand, supracoŭniki Dziarždepartamienta, rehijanalnaha adździaleńnia Ahienctva ZŠA pa mižnarodnym raźvićci i ambasady ZŠA ŭ Minsku.