Parašenka: Danbas atrymaje asablivy status u składzie Ukrainy
Minski pratakoł nie praduhledžvaje fiederalizacyi abo adčužeńnia ŭkrainskich terytoryj, zajaviŭ na pasiadžeńni ŭrada prezident Ukrainy Piatro Parašenka.
«Pratakoł praduhledžvaje zachavańnie niezaležnaści Ukrainy na ŭsioj terytoryi, u tym liku i na terytoryi Danbasa», — zajaviŭ jon.
Prezident dadaŭ, što «ni pra jakuju fiederalizacyju, ni ab jakim adčužeńni ŭ pratakole nie havorycca», jak i nie zhadvajucca tak zvanyja «DNR» i «ŁNR».
Parašenka adznačyŭ, što Danieckaj i Łuhanskaj abłaściam daduć, zhodna ź Minskim pratakołam, asablivy status. Adpaviedny zakon uniasuć u Viarchoŭnuju Radu na nastupnym tydni.
«Zakon Ukrainy ab časovym paradku miascovaha samakiravańnia ŭ asobnych rajonach Danieckaj i Łuhanskaj abłaściej praduhledžvaje vyrazna status hetych rehijonaŭ u składzie Ukrainy», — skazaŭ jon.
Napiaredadni tak zvany «vice-premjer DNR» Andrej Purhin zajaviŭ, što sieparatysty imknucca da «samavyznačeńnia ŭ administracyjnych miežach Danieckaj i Łuhanskaj abłaściej».
«Ukraina budzie sprabavać pakinuć nas častkaj svajoj prastory, adnak my praciahniem kurs na samavyznačeńnie», — skazaŭ jon.