Biełaruskaja delehacyja padaryła Rajs bieł-čyrvona-bieły napulśnik
Delehacyja demakratyčnych siłaŭ Biełarusi, u skład jakoj uvachodziać Enira Branickaja, Siarhiej Kalakin, Anatol Labiedźka, Anatol Laŭkovič, Alaksandar Milinkievič, Pavał Sieviaryniec i Źmicier Chviedaruk, u hetyja dni naviedvaje ZŠA. Najbolš admietnaj padziejaj vizytu pakul što stała hutarka ź dziaržsakratarom Kandalizaj Rajs.
Padčas sustrečy dziaržsakratar ZŠA Kandaliza Rajs zajaviła, što Vašynhton padtrymlivaje demakratyčny ruch u Biełarusi.
A. Labiedźka adznačaje, što delehacyju mocna ŭraziła, jak dobra jana viedaje biełaruskuju prablematyku.
Dziaržsakratarka vykazała ŭpeŭnienaść, što i pry novym prezydentu zachavajecca pierajemnaść amerykanskaj palityki ŭ dačynieńniach ź Biełaruśsiu.
Kandaliza Rajs pacikaviłasia ŭ delehacyi, jak lepš kaardynavać sumiesnuju palityku ZŠA i krain Eŭraźviazu ŭ dačynieńniach ź Biełaruśsiu.
Anatol Labiedźka padaravaŭ dziaržsakratarcy bieł-čyrvona-bieły napulśnik z nadpisam “Za svabodu!”. Jana jaho adrazu ž nadzieła na ruku. «I ja pažartavaŭ, — kaža Labiedźka, — što ciapier jana siabra biełaruskaj kamandy. Na heta spadarynia Rajs adkazała, što jana ź vialikim zadavalnieńniem budzie siabram biełaruskaj kamandy».