Mierkiel: Nielha pryznavać aneksiju Kryma
Kancler Niamieččyny Anhieła Mierkiel vystupaje za terytaryjalnuju cełasnaść Ukrainy i raić nazapasicca ciarpieńniem.
Pra heta jana zajaviła padčas sumiesnaj z prezidentam Piatrom Parašenkam pres-kanfierencyi ŭ Kijevie.
Mierkiel adznačyła, što joj časta zadajuć pytańnie Kryma. Jana adznačyła, što aneksija Kryma źjaŭlajecca niespraviadlivaj. «Ale prajšli miesiacy i jaho nie addali nazad. Časta, kali vyrašajucca palityčnyja pytańni, treba vielmi šmat ciarpieńnia i namahańniaŭ», — adznačyła kancler Niamieččyny.
«Heta (aneksija Kryma - red.) adbyłosia z parušeńniem terytaryjalnaj cełasnaści ŭ Jeŭropie. Kali my pryznajem taki pryncyp, to tady heta moža adbycca dzie zaŭhodna ŭ Jeŭropie», - zajaviła Mierkiel.
Jana adznačyła, što heta niasie pahrozu cełasnaści luboj jeŭrapiejskaj dziaržavy.
«Važnaje pryznańnie terytaryjalnaj cełasnaści paśla Druhoj suśvietnaj vajny», - adznačyła jana.
«Heta treba razhladać jak nastupny krok, kab zachavać Danieck i Łuhansk», - zajaviła kancler.