Skandał №1 u Estonii: pieršaja łedzi na vačach va ŭsich całavałasia ź niejkim maładym čałaviekam
Pieršaja łedzi Estonii, Evielin Ilvies, zabyła na svoj status i šlub i całavałasia na vačach va ŭsich sa svaim maładym spadarožnikam, ź jakim jana tančyła i šaptałasia ŭvieś viečar.
Siensacyju apublikavaŭ siońnia časopis Kroonika i chutka jaje pieradrukavali ŭsie estonskija ŚMI.
Spadaryniu Evielin Ilvies mnohija zaŭvažyli padčas viečarynki na terasie kafe Komeet 6 žniŭnia. Viečarynka praciahvałasia da ranicy 7 žniŭnia, ludziej stanaviłasia ŭsio mienš, i tady naviedvalnikam adkryłasia nastupnaja karcina — žonka prezidenta tancavała na terasy z maładym čałaviekam, na vyhlad jamu było 28-30 hadoŭ.
Jany pavodzili siabie jak zakachanyja, Evielin uvieś čas hladzieła svajmu spadarožniku ŭ vočy, raspavioŭ śviedka. Kala pałovy piataj nočy pieršaja łedzi narešcie syšła razam sa svaim spadarožnikam.
«Jany vyjšli ź dźviarej razam ź jašče adnoj paračkaj. Jany ŭdvaich sieli ŭ mašynu. Heta byŭ čorny Mercedes S-kłasa. Za rulom znachodziŭsia niejki mužčyna, jany źjechali», - raspaviadaje śviedka.
Prezident Toomas Chiendryk Ilvies ŭ toj čas znachodziŭsia ŭ Estonii.
«U mianie ciapier adzin z samych składanych pieryjadaŭ. Kali łaska, prabačcie, kamu ja naniesła bol», — napisała siońnia Evielin Ilvies, paviedamlaje Postimees sa spasyłkaj na jaje Facebook.