Śmiarotny aŭtaspyn
Žychar Kareličaŭ dabiraŭsia na pracu ŭ Navahradak. Aŭto, jakoje jon spyniŭ, trapiła ŭ avaryju.
Niepadalok ad vioski Vaŭkovičy Navahradzkaha rajonu ŭ 07.40 lehkavik «Suzuki», jakim kiravała 33‑hadovaja žycharka Karelickaha rajonu, vyjechaŭ na sustrečnuju pałasu i sutyknuŭsia z hruzavikom «DAF». Udar byŭ taki mocny, što lehkavik litaralna razarvała na kavałki. U vyniku kiroŭca z šmatlikimi traŭmami była źmieščanaja ŭ balnicu. Ciapier jana znachodzicca ŭ stabilna ciažkim stanie. Žančyna niadaŭna vyjšła z dekretnaha adpačynku, haduje dvuch maleńkich dziaciej. Vypadkovy mužčyna z Kareličaŭ, jakoha jana vyrašyła padvieźci ŭ Navahradak, skanaŭ na miescy.
Pavodle papiarednich źviestak pryčynaj trahiedyi stała niadbajnaść darožnych słužbaŭ Karelickaha i Navahradzkaha rajonaŭ — darohu pa maršrucie Kareličy‑Navahradak nie pasypali piaskom.