Iryna Kuželnaja žyvaja

Pra heta paviedamili «Našaj Nivie» ŭ pošukavym štabie.

Źnikłaja 7‑hadovaja školnica z Łahojščyny žyvaja. Pra heta paviedamili «Našaj Nivie» ŭ pošukavym štabie. Pa słovach milicyjantaŭ, jość pakazańni čałavieka, jaki bačyŭ dziaŭčynku ŭ Astrašyckim Haradku — raniejšym miescy žycharstva školnicy.

Nahadajem, Ira Kuželnaja źnikła 23 listapada. Siamihadovaja dziaŭčynka paśla ŭrokaŭ, kala 13.30, vyjšła sa škoły, ale dachaty tak i nie pryjšła. Dniami jana była abvieščanaja ŭ respublikanski vyšuk, pa fakcie jaje źniknieńnia pačataja kryminalnaja sprava.

Jak zajavili milicyjanty, pašukovyja mierapryjemstvy praciahvajucca, niahledziačy na novyja dadzienyja, jakija zaraz praviarajucca. Jak i raniej, pračesvajecca les. Milicyjantam i vajskoŭcam dapamahajuć miascovyja žychary, leśniki i palaŭničyja, školniki.

Jarasłaŭ Ściešyk

Kamientary da artykuła