DAI zaklikaje baćkoŭ pierad 1 vieraśnia pravieści dziaciej pa biaśpiečnym maršrucie ŭ škołu i nazad
Dziaržaŭtainśpiekcyja rekamienduje baćkam napiaredadni pačatku navučalnaha hoda pravieści dziaciej pa biaśpiečnych maršrutach u škołu i nazad damoŭ, saryjentavać ich u navakolnaj abstanoŭcy, asablivaściach darožnaj situacyi paśla viartańnia ŭ horad ź letniaha adpačynku.
Pra heta na pres-kanfierencyi 19 žniŭnia ŭ Minsku paviedamiŭ staršy inśpiektar adździeła arhanizacyi mižviedamasnaha ŭzajemadziejańnia i prafiłaktyki biaśpieki darožnaha ruchu UDAI MUS Stanisłaŭ Sałaviej.
Rekamiendujecca taksama pravieryć najaŭnaść u dziaciej abaviazkovych flikieraŭ na adzieńni i partfielach. Asabliva ŭvažliva pavinny pavodzić siabie kiroŭcy ŭ dvarach, dzie z kožnym dniom pierad 1 vieraśnia pavialičvajecca kolkaść dziaciej. Chutkaść na dvarovych terytoryjach pavinna być minimalnaj, padkreśliŭ Sałaviej.