Pakarali pradprymalnikaŭ
Zatrymanych učora za razdaču ŭlotak pradprymalnikaŭ pakarali aryštam
Zatrymanych učora za razdaču ŭlotak pradprymalnikaŭ pakarali aryštam
Nahadajem, što ŭčora ŭ padziemnym horadzie na stancyi metro «Partyzanskaja» za razdaču ŭlotak z patrabavańniem admieny ŭkazu № 760 byli zatrymanyja aktyvisty ruchu «Za volnaje raźvićcio pradprymalnictva» Alaksandar Taŭstyka i Rusłan Łucenka. Noč jany praviali na Akreścina.
Sud Zavodzkaha rajonu Miensku prysudziŭ A. Taŭstyku da 7 sutak aryštu. Sudździa Alena Niakrasava ŭličyła, što Alaksandar — baćka dvuch małych dziaciej. Pradprymalnika Rusłanu Łucenku spn. Niakrasava nie paškadavała niahledziačy na toje, što jon niadaŭna pierachvareŭ na pneŭmaniju i ciapier chvareje branchitam. Jon atrymaŭ za razdaču ŭlotak 10 sutak.
Sud byŭ zakrytym, u pamiaškańnie puścili tolki advakata zatrymanych. U kalidory zastalisia siabry ruchu «Za volnaje raźvićcio pradprymalnictva», staršynia AHP Anatol Labiedźka i aktyvisty ruchu «Za svabodu».