Prodan: Testavaja prapampoŭka hazu praz Słavakiju moža pačacca 15 žniŭnia
Testavaja prapampoŭka pryrodnaha hazu ŭ reviersnym režymie pa najbolš pierśpiektyŭnym dla Ukrainy słavackim maršrucie moža pačacca 15 žniŭnia hetaha hoda.
Pra heta ŭ sieradu 13 žniŭnia paviedamiŭ žurnalistam ministr enierhietyki i vuhalnaj pramysłovaści Juryj Prodan.
«Z 15 žniŭnia pavinny pačacca testavyja vyprabavańni. Paśla praviadzieńnia testu my budziem vyznačacca z mahčymymi abjomami prapampoŭki hazu», — skazaŭ Prodan.
Śpiecyjalisty apieratara hazatranspartnaj sistemy Słavakii — kampanii Eustream zaviaršyli padrychtoŭčyja pracy da reviersnych pastavak paliva na terytoryju Ukrainy.
Z 1 vieraśnia pavinien zarabić reviers hazu sa Słavakii va Ukrainu.