Miadźviedzieŭ: Rasija pavinna karmić siabie sama
Rasija moža sama siabie karmić, a taksama pastaŭlać pradukcyju ŭ inšyja rehijony i krainy, zajaviŭ kiraŭnik rasijskaha ŭrada Dźmitryj Miadźviedzieŭ.
fota z fejsbuka Dźmitryja Miadźviedzieva
«Vidavočna, što siońnia pytańni charčovaha zabieśpiačeńnia krainy vychodziać na piaredni płan. My takaja kraina, takaja dziaržava, jakaja moža i pavinna sama siabie karmić i nie tolki karmić, ale i pastaŭlać pradukcyju ŭ inšyja rehijony i krainy», — skazaŭ Miadźviedzieŭ na sustrečy z v.a. hubiernatara Staŭrapolskaha kraju Uładzimiram Uładzimiravym.
Jon taksama paviedamiŭ, što padpisaŭ pastanovu ab uniasieńni źmianieńniaŭ u dziaržprahramu pa raźvićci sielskaj haspadarki Rasii.
Pavodle jaho słoŭ, heta zroblena dla taho, kab nadać dadatkovy impuls raźvićciu słabych halin rasijskaj sielskaj haspadarki, a taksama ŭzmacnić impartazamiaščeńnie charčavańnia.
Z 7 žniŭnia Rasija na hod abmiežavała impart niekatorych vidaŭ syraviny i charčavańnia z krain, jakija raniej uviali suprać jaje sankcyi.