Pucin paprasiŭ Łukašenku z razumieńniem pastavicca da rasijskaha bajkotu
7 žniŭnia pa inicyjatyvie rasijskaha boku adbyłasia telefonnaja razmova Alaksandra Łukašenki z Uładzimiram Pucinym.
Pra heta TUT.BY paviedamili ŭ pres-słužbie prezidenta Biełarusi.
kremlin.ru
«Prezident Rasii prainfarmavaŭ Alaksandra Łukašenku ab ekanamičnych mierach, pryniatych Rasijaj u adnosinach da šerahu katehoryj pradukcyi, što impartujecca z krain, jakija ŭviali sankcyi ŭ dačynieńni da rasijskich arhanizacyj i hramadzian. Uładzimir Pucin vykazaŭ nadzieju, što Biełaruś z razumieńniem pastavicca da takich krokaŭ, pryniatych u intaresach ekanamičnaj biaśpieki Rasii», — havorycca ŭ paviedamleńni.
U svaju čarhu Łukašenka paabiacaŭ Pucinu, što na miažy budzie zabiaśpiečana poŭnaja prazrystaść «u duchu partniorskich adnosin».
Akramia hetaha kiraŭniki dziaržaŭ abmierkavali pytańni supracoŭnictva ŭ ramkach Jeŭrazijskaha ekanamičnaha sajuza i jaho pašyreńnia. Była paćvierdžana pazicyja, što dałučeńnie da jaho Armienii nie pavinna adbyvacca na škodu intaresam Mytnaha sajuza.
U chodzie razmovy Alaksandr Łukašenka i Uładzimir Pucin abmianialisia dumkami adnosna raźvićcia situacyi ŭ ekanomicy Ukrainy ŭ suviazi z padpisańniem joju pahadnieńnie ab asacyjacyi ź Jeŭrapiejskim sajuzam.
{POLL#289}