Maskoŭski chakieist unačy abakraŭ pasažyra ciahnika
Vypadak adbyŭsia ŭ ciahniku № 77 Maskva-Hrodna. U płackartnym vahonie jechali 25 junakoŭ 14-15 hadoŭ, chakieisty maskoŭskaj kamandy. Jany kiravalisia ŭ Lidu dla praviadzieńnia trenirovačnych zboraŭ. Jak paviedamlaje błoh Hrodna s13, unačy ŭ rasijanina, jaki spaŭ na adnoj ź vierchnich palic i na čas snu nie zašpiliŭ svaju darožnuju sumku, na padłohu vyvalilisia rečy i dakumienty. Heta byŭ kašalok z hrašmi, bankaŭskaja kartka ź pin-kodam, paśviedčańnie kiroŭcy i inš. Juny chakieist, jaki spaŭ na nižniaj palicy, doŭha nie dumajučy, staŭ źbirać ich i kłaści sabie ŭ sumku.
Inšyja pasažyry ŭ toj momant spali. Pa prybyćci ciahnika na st. Lida, členy chakiejnaj kamandy vyjšli i nakiravalisia pa svaim maršrucie.
Vyjaviŭšy prapažu, hramadzianin RF zajaviŭ u transpartnuju milicyju pa st. Hrodna. Supracoŭniki Lidskaha AUS na transparcie, vyjavili niapoŭnahadovaha złačynca. Ciapier u dačynieńni da jaho raspačataja kryminalnaja sprava pa č.1 art. 205 KK Respubliki Biełaruś («Kradziež»).
Maładomu čałavieku zaraz nie da trenirovak, jamu pahražaje adkaznaść ad štrafu da troch hadoŭ pazbaŭleńnia voli.