U Dźvinie ŭ Viciebsku patanuła 11-hadovaja dziaŭčynka
U Dźvinie ŭ rysie Viciebska patanuła 11-hadovaja dziaŭčynka, paviedamili ŭ abłasnym upraŭleńni MNS.
Paviedamleńnie, što ŭ race ŭ rajonie vulicy 1-j Łučeskaj patanuła dzicia, pastupiła vyratavalnikam 4 žniŭnia kala 15.30.
Dziaŭčynka 2003 naradžeńnia adpačyvała na race z maci. Žančyna znachodziłasia na bierazie, jaje dačka i jašče dvoje dziaciej kupalisia na adlehłaści 10-15 m ad bieraha. Raptam dziaŭčynka stała klikać na dapamohu i źnikła pad vadoj. Dvoje inšych dziaciej samastojna vypłyli na bierah. Sproby adpačyvalnikaŭ vyratavać dzicia byli biespaśpiachovymi.
Trup dziciaci byŭ znojdzieny ŭ 21.30 u 500 m ad mierkavanaha miesca ŭtapleńnia i 10 m ad bieraha na hłybini adnaho mietra.