U NATA abvierhli infarmacyju ab vykarystańni siłami ATA balistyčnych rakiet
U aŭtorak telekanał CNN sa spasyłkaj na krynicy ŭ raźviedcy ZŠA paviedamiŭ, što ŭkrainskija siłaviki pačali vykarystoŭvać pad čas bajavych dziejańniaŭ na ŭschodzie balistyčnyja rakiety małoj dalokaści z 454-kiłahramovymi bojehałoŭkami i radyusam dziejańnia ŭ 80 kiłamietraŭ. Heta samaja razburalnaja zbroja, jakaja da hetaha času vykarystoŭvałasia ŭ kanflikcie, kanstatavaŭ CNN.
Siońnia śpikier infarmacyjnaha centra Savieta nacbiaśpieki i abarony (SNBA) Ukrainy Andrej Łysienka abvierh zajavy CNN. Jon zajaviŭ, što balistyčnyja rakiety małoj dalokaści, siaredniaj dalokaści byli poŭnaściu źniščanyja va Ukrainie 1 lipienia 1996 hoda.
Narešcie źjaviłasia zajava kiraŭnika misii Ukrainy pry NATA, pasła Ihara Daŭhova:
«Siońnia stali raspaŭsiudžvacca paviedamleńni ab nibyta vykarystańni ŭzbrojenymi siłami Ukrainy ŭ čas ATA «balistyčnych rakiet». Niekatoryja z tych krynic spasyłalisia na NATA. U suviazi z hetym misija Ukrainy pry NATA pravieryła hetyja paviedamleńni i atrymała infarmacyju ŭ aljansie, što aficyjnyja pradstaŭniki takich paviedamleńniaŭ nie raspaŭsiudžvali. Ich nie było», — zajaviŭ jon.
Adkazvajučy na pytańnie, ź jakoj metaj była raspaŭsiudžanaja takaja infarmacyja, kiraŭnik misii źviarnuŭ uvahu na toje, što bolš za ŭsich zacikavilisia hetymi paviedamleńniami rasijskija ci źviazanyja z rasijskimi ŚMI.
«Meta stanovicca vidavočnaj — kali kožny dzień Ukraina pryvodzić fakty abstrełaŭ našaj terytoryi z taho boku i
kali hetamu niama čaho supraćpastavić, to, vidavočna, u chod iduć usie mahčymyja srodki, u tym liku i raspaŭsiudžvańnie biez usialakich na toje padstavaŭ takoha rodu psieŭdapaviedamleńniaŭ», — zajaviŭ kiraŭnik misii Ukrainy pry NATA.