U Danbasie bajeviki adkryli ahoń pa mikraaŭtobusie ź dziećmi
Adzin ź mikraaŭtobusaŭ ź dziećmi byŭ abstralany terarystami DNR sa strałkovaj zbroi.
Učora na ŭčastku trasy Danieck-Vałnavacha bajaviki «DNR» abstralali mikraaŭtobus ź dziećmi, jakich evakuiravali ź dziciačych damoŭ Danbasa. Pra heta paviedamiŭ kiraŭnik Centra vajenna-palityčnych daśledavańniaŭ, kaardynatar hrupy «Infarmacyjny supraciŭ» Dźmitryj Tymčuk na svajoj staroncy ŭ Facebook.
Jak akazałasia, pa papiaredniaj damoŭlenaści z kiraŭnictvam DNR, z Daniecka ŭ Maryupal vieźli vychavancaŭ dziciačaha doma.
Dzieci, jakich evakuiravali z Daniecka, dajechali da Maryupala bieź jakich-niebudź traŭmaŭ.
Pra heta siońnia ŭ čas pres-kanfierencyi paviedamiła Upaŭnavažanaja Viarchoŭnaj Rady pa pravach čałavieka Valeryja Łutkoŭskaja, pieradaje UNIAN.
«Usie dzieci, jakija vyjechali z horada Daniecka, dajechali da Maryupala bieź jakich-niebudź traŭmaŭ. Toje ž datyčycca i vychavalnikaŭ, jakija jechali ź imi.
Sapraŭdy, byŭ vypadkovy abstreł hetaha aŭtobusa. Snarady razarvalisia pobač, ale ŭsie dzieci, jakija vyjechali z Daniecka, usio žyvymi i cełymi dajechali da Maryupala», — padkreśliła jana, adznačyŭšy, što ŭsiaho vyjechała 81 dzicia.