Staryja biełaruskija haziety źjavilisia ŭ internecie
Biblijateka imia Urubleŭskaha Litoŭskaj Akademii navuk vykłała ŭ internet kalekcyju pieryjodyki XX st.
U tym liku 210 (!) najmieńniaŭ biełaruskich haziet i časopisaŭ, što vydavalisia ŭ Vilni ad 1906 da 1940 hoda. Bolšaść z hetych vydańniaŭ byli abo «adnadnioŭkami», abo vychodzili na praciahu kolkich miesiacaŭ. Ale isnavali i bolš tryvałyja vydańni.
Siarod inšaha, na sajcie jość padšyŭki lehiendarnych «Našaj doli» (1906) i «Našaj Nivy» (1906—1915, 1920), katalickich vydańniaŭ «Biełarus» (1913—1915) i «Chryścijanskaja dumka» (1928—1939), chryścijanska-demakratyčnaj haziety «Krynica» (1919—1940), dziciačych časopisaŭ «Zaranka» (1927—1931) i «Praleska» (1934—1939), humarystyčnych «Avadzień» (1922—1932) i «Małanka» (1926—1928).
Kab skarystacca servisam, na staroncy www.mab.lt/en/catalogues treba pierajści pa spasyłcy «Old periodicals». Kliknuŭšy na nazvu patrebnaha vydańnia, na novaj staroncy naciskajcie «Visas tekstas», a jak adčynicca akienca — vybirajcie patrebnyja hod i numar vydańnia. Kali treba zachavać na kampjutar šmat numaroŭ adrazu, naciskajcie pa spasyłkach pravaj kłavišaj myšy i vybirajcie «Zachavać abjekt jak» — hetak sekanomicie čas.