Rasijski sałdat pierajšoŭ na bok Ukrainy na znak niazhody z palitykaj RF VIDEA
Sałdat terminovaj słužby Uzbrojenych sił Rasii Andrej Bałabanaŭ pakazaŭ, što rasijski bok nakiroŭvaje va Ukrainu kadravych vajskovych śpiecyjalistaŭ, uzbrajeńnie i braniravanuju vajskovuju techniku.
Pra heta paviedamlaje Słužba biaśpieki Ukrainy.
U viedamstvie paviedamili, što Bałabanaŭ pakinuŭ miesca słužby ŭ znak pratestu suprać ahresii Rasii ŭ dačynieńni da susiedniaj dziaržavy.
Rasijski sałdat pierabraŭsia va Ukrainu ŭ lipieni 2014 z namieram prasić palityčnaha prytułku.
Były radavy rasijskaj armii raspavioŭ, što jaho vajskovaja čaść była pierakinutaja ŭ Rastoŭskuju vobłaść pablizu miažy z Ukrainaj u mai 2014 hoda. Štodnia kamandziry pierakonvali armiejcaŭ, što ich rychtujuć da abarony rasijskamoŭnych hramadzian va Ukrainie.
Čaść pastajanna doŭkomplektoŭvałasia prafiesijnymi vajskoŭcami ź liku śpiecnazaŭcaŭ HRU i vychadcami z Paŭnočnaha Kaŭkaza, jakija nielehalna pierapraŭlalisia na ŭschod Ukrainy, paviedamili ŭ SBU.
Na ŭkrainskuju terytoryju dla padtrymki terarystaŭ pierachodziła braniavanaja vajskovaja technika z padrychtavanymi rasijskimi bajavymi ekipažami.
«Ja pryniaŭ rašeńnie nie ŭdzielničać u bratazabojčaj vajnie i pierajšoŭ na bok Ukrainy. Heta moj pratest suprać palityki kiraŭnictva Rasii», - rastłumačyŭ Bałabanaŭ.
«Heta ŭžo nie pieršy vypadak pierachodu rasijskich vajskoŭcaŭ na bok Ukrainy. Raniej svajo žadańnie słužyć na baku ŭkrainskich vojskaŭ u zonie ATA vykazaŭ aficer FSB RF - Illa Bahdanaŭ», - adznačyli ŭ SBU.