Bajeviki pakinuli Karłaŭku i adyšli ŭ bok Daniecka
Pra heta paviedamiŭ lidar terarystaŭ Ihar Hirkin, słovy jakoha pryvodzić vydańnie bajevikoŭ «Ruskaja viasna», a taksama hetuju infarmacyju «Ukrainskaj paradzie» paćvierdzili bajcy, jakija znachodziacca ŭ zonie ATA.
«Karłaŭka nami pakinutaja jašče minułaj nočču, jak i Niejtałava, jak i Pieršamajskaje - pad pahrozaj akružeńnia i nastupnaha źniščeńnia našych nievialikich sił, jakija byli tam», - paviedamiŭ Hirkin.
«Pieršym adyšoŭ uzvod «Uschodu», a za im i naša rota bataljona «Kalmius». Pa kamandzie, biez strat u technicy i ź niaznačnymi stratami ŭ ludziach», - dadaŭ jon.
«Jany buduć sprabavać nas adrezać i prymusić da sychodu — na ŭzor Cłavianska. Kali ž usio-taki zduru palezuć — to «łaskava prosymo»- dadaŭ jon. Hirkin pryznaŭ, što ŭkrainskija vojski razbłakavali daniecki aeraport i vyjšli niepasredna da paŭnočna-zachodniaj uskrainy Daniecka.
Adnačasova bajcy paviedamili «Ukrainskaj praŭdzie», što śpiecnazaŭcy pravieryli, što pierad Karłovka nikoha niama i ŭ Karłaŭcy taksama.
Jak viadoma, vakoł Karłaŭki bolš za tydzień išli bai.
Jak viadoma, raniej siły ATA vyzvalili Pieski.
* * *
Hirkin taksama paviedamiŭ, što bajevikam pryjšłosia adyści z pamiežnych nasielenych punktaŭ Kažeŭnaja i Čyrvonaja zara.