Džoni ŭ suśvietnym siecivie
Pieravaha
Žanr: fantastyka, tryler, drama
Režysior: Uoli Pfister
U rolach: Džoni Dep, Rebieka Choł, Poł Bietani, Kilijan Miorfi, Kiejt Mara, Koŭł Chaŭzier, Morhan Fryman
Vialikabrytanija, Kitaj, ZŠA, 119 chv.
Navukoviec Uił Kaster (Džoni Dep) śpiecyjalizujecca ŭ vyvučeńni štučnaha intelektu i pracuje nad stvareńniem kampjutara, jaki zmoža ŭśviadomić svajo isnavańnie i ŭvabrać dośvied usiaho čałaviectva. Jon tak imkliva ruchajecca ŭ svaich daśledavańniach, što nabyvaje viadomaść hienijalnaha navukoŭca, a taksama stanovicca niebiaśpiečnym abjektam u vačach antytechnałahičnaj terarystyčnaj hrupoŭki.
Jaje adepty ździajśniajuć napad na šerah łabaratoryj i samoha Kastera. Śmiarotna paranieny navukoviec razam z žonkaj Evielin i kaleham Maksam Votersam vyrašajuć zrabić technałahičny praryŭ: aličbavać mozh Kastera, stvaryŭšy jaho virtualnuju kopiju, padmacavanuju mahčymaściami štučnaha intelektu. Na pačatku ekśpierymientu jany nie da kanca ŭśviedamlajuć, kudy heta zavia-dzie i Kastera, i ŭvieś śviet.
Stały apieratar Krystafiera Nołana («Ciomny rycar» (2008, 2012), «Pačatak» (2010)), askaranosny Uoli Pfister debiutavaŭ jak režysior z navukova-fantastyčnaj stužkaj. Siužet apaviadaje pra mašynny apakalipsis, ale maje svaje asablivaści: biazdušnaja mašyna nabyvaje rysy čałavieka i dziejničaje jak inšaja, novaja istota.
Pavodziny jaje tym nie mienš pradkazalnyja, ale da čaho jany pryviaduć u pierśpiektyvie — adnaznačnaha adkazu niama, dy i być nie moža. Pfister stavić składanyja pytańni jak ekałahičnyja, tak i etyčnyja; Dep nie mianiaje svajho ampłua fryka, ciapier — fryka ad navuki.
Mocny, stylovy film, jaki adsyłaje da siužetaŭ kłasičnaj fantastyki, ale prapanuje novy pohlad, pradyktavany sučasnaściu.