Łukašenka: Jeŭropa była i zastajecca dla nas adnym z najvažniejšych nakirunkaŭ raźvićcia handlova-ekanamičnych suviaziaŭ
Alaksandr Łukašenka ličyć nieabchodnym zamacavać zruchi, jakija namiecilisia ŭ apošnija dva hady ŭ supracoŭnictvie z krainami Jeŭropy.
Ab hetym jon zajaviŭ siońnia na naradzie z kiraŭnikami dypłamatyčnych pradstaŭnictvaŭ i konsulskich ustanoŭ Biełarusi.
Alaksandr Łukašenka padkreśliŭ, što adnosiny ź Jeŭrapiejskim sajuzam važnyja dla Biełarusi pierš za ŭsio z punktu hledžańnia zabieśpiačeńnia zbałansavanaj źniešniaj palityki.
«Jeŭropa była i zastajecca dla Biełarusi adnym z važniejšych napramkaŭ raźvićcia handlova-ekanamičnych suviaziej i hałoŭnaj krynicaj technałohij i abstalavańnia», — skazaŭ kiraŭnik biełaruskaj dziaržavy.
«Siońnia rynak Jeŭrasajuza — adzin z najbolš nasyčanych, ź vielmi vysokim uzroŭniem kankurencyi. I kali my zmahli pradać naš tavar u Jeŭropie, to možna nie sumniavacca, što heta pradukcyja budzie zapatrabavana i ŭ inšych rehijonach śvietu», — adznačyŭ Łukašenka.
Joje źviarnuŭ taksama ŭvahu na toje, što, niahledziačy na najaŭnaść amierykanskich sankcyj adnosna asobnych biełaruskich pradpryjemstvaŭ, paramietry źniešnieekanamičnaj dziejnaści rastuć, pryčym ustojliva.
Tak, u Biełarusi naličvajecca 382 pradpryjemstvy z udziełam amierykanskaha kapitału, pry hetym 100 było stvorana tolki za dva apošnija hady.
«Takim čynam, jość dobraja asnova, ad jakoj možna adšturchoŭvacca», — ličyć biełaruski lidar.