U Minsku hvałtaŭnik zhubiŭ na miescy złačynstva mabilny telefon
Prakuratura Zavodskaha rajona Minska sankcyjanavała ŭziaćcie pad vartu 24-hadovaha žychara Ivacevickaha rajona Bresckaj vobłaści, jaki abvinavačvajecca ŭ zhvałtavańni minčanki.
Jak paviedamiła namieśnik prakurora Zavodskaha rajona Viktoryja Kuncevič, raniej nieadnarazova sudzimy za majomasnyja złačynstvy kvaterny złodziej adbyvaŭ u Minsku pakarańnie ŭ vyhladzie pazbaŭleńnia voli z nakiroŭvańniem u papraŭčuju ŭstanovu adkrytaha typu.
13 lipienia ŭ dźvie hadziny nočy, pjany, jon pranik cieraz akno kuchni ŭ kvateru i pad pahrozaj naža zhvałtavaŭ haspadyniu, maci troch dziaciej. Na dopytach małady čałaviek raskazaŭ, što ŭbačyŭ u aknie žančynu, jakaja karmiła dziaciej, dačakaŭsia, kali jana zaśnie, i pranik u kvateru.
Potym vyśvietliłasia, što na miescy zdareńnia chłopiec zhubiŭ telefon. Kali jon heta ŭśviadomiŭ, viarnuŭsia i staŭ patrabavać u žančyny svaju reč. Paśla hetaha jana vyklikała milicyju. Dahetul, vidać, zajaŭlać ab złačynstvie nie źbirałasia.